اسلام آباد۔20اگست (اے پی پی) وزیراعظم شہبازشریف بجلی دے بلاں دے ذریعے فکسڈ سیلز ٹیسکس دی وصولی کوں فوری معطل کر ݙتے، بجلی دے بلاں اچ دکانداراں تے فکسڈ سیلز ٹیکس کوں متفقہ شرح توں ودھ لاگو کرݨ تے انکوائری کرݨ دا حکم ݙتے۔ وزیراعظم میڈیا آفس ولوں جاری بیان موجب وزیراعظم شہباز شریف دی صدارت اچ بجلی دے نرخ اتے ٻلاں دے ذریعے فکسڈ سیلز ٹیکس کلیکشن تے جائزہ اجلاس چھݨ چھݨ کوں لاہور اچ تھیا۔ وزیراعظم شہباز شریف بجلی دے بلاں دے ذریعے فکسڈ سیلز ٹیکس دی وصولی کوں فوری معطل کر تے ٹیکس وصولی کیتے نواں لائحہ عمل ٻݨاوݨ دی ہدایت کیتی۔ وزیراعظم شہباز شریف خصوصی ہدایت کیتی جو دکانداراں توں بجلی دے بلاں دے ذریعے ٹیکس وصولی تے کوئی وی فیصضہ کریندیں ہوئیں تاجراں دے نمائندیاں کوں مشورے اچ رلایا ونڄے۔ اجلاس اچ وفاقی وزیر برائے توانائی انجینئرخرم دستگیر، وفاقی وزیر برائے خزانہ مفتاح اسماعیل، وزیر مملکت برائے پٹرولیم ڈاکٹر مصدق ملک ، چیئرمین ایف۔ بی۔ آر، وفاقی سیکرٹریز توانائی، خزانہ اتے پٹرولیم دے علاوہ بئے اعلیٰ حکام شرکت کیتی۔
