اسلام آباد۔30ستمبر (اے پی پی):ایشیائی ترقیاتی بینک پاکستان اچ سیلاب توں متاثرہ علاقیں اچ امداد تے پائیداربنیادی ڈھانچہ دی تعمیردیاں سرگرمیاںاچ مدد کیتے 2 ارب ڈالرتوں دھ دی معاونت دی منظوری ݙیسی ، اے ڳالھ ایشیائی ترقیاتی بینک دے ڈائریکٹرجنرل وسطی ومغربی ایشیایوجین ژوکوف منیلا اچ ورچوئل پریس کانفرنس اچ ݙسائی، انہاں پاکستان اچ اڄوکے سیلاب اتے طوفانی مینھ پاروں تھیوݨ آلے جانی تے مالی ضیان تے ہمدردی تے تے ݙکھ دا اظہار کیتے تے نال ہی بینک پہلے ہی خوراک دی فراہمی تے خیمیں دی وختی خریداری کیتے 30 لکھ ڈالر دی گرانٹ ݙتی اے۔ انہاں آکھیے جو ٻہوں ضروری وختی امداد، متاثرہ علاقیں دی بحالی اتے تعمیر نو کیتے 500 توں گھن تے 700 ملین ڈالرتئیں دا پیکج وی ݙتا ویندا پئے جیں دی منظوری اڄوکے سال دے چھیکڑ اچ ݙتی ویسی ، ایشیائی ترقیاتی بینک پاکستان اچ معاشی طو تے کمزورطبقات تے خوراک دیاں ودھدیاں قیمتاں تے ٻئے ٻاہرلے جھٹکیں دے اثرات کوں گھٹ کرݨ کیتے مزید 1.5 ارب ڈالر دی کائونٹر سائیکلیکل سپورٹ تے کارروائی کریندا پئے ۔
