اسلام آباد۔11نومبر(اے پی پی)پاکستان اچ چین دے سفیر نونگ رونگ پاک چین تعلقات کوں ٻہوں نویکلا قرار ݙیندے امید کیتی اے جو شہبازشریف دے دورہ چین نال ݙوطرفہ تعلقات ٻئے ڳھاٹے کرݨ دی راہ نکلسلی جیڑھے 20 ویں سی پی سی نیشنل کانگریس دے بعد چین آوݨ آلے پہلے سربراہ حکومت ہین، سی پیک دے تحت 25 ارب ڈالر توںو دھ دی مجموعی سرمایہ کاری نال 47 منصوبے شروع یا مکمل کیتن، اگلے مرحلے اچ پاکستان اچ صنعتاں دے ودھارے اتے ایندی برآمدی مسابقت ودھاوݨ کیتے صنعت، زراعت، سائنس و ٹیکنالوجی اچ تعاون ودھسیوں، ایں سال چین کوں پاکستان دی برآمدات 4 ارب ڈالر توںو دھݨ دا امکان اے۔ اے ڳالھ چینی سفیر کمیونسٹ پارٹی آف چائنہ دی 20 ویں نیشنل کانگریس اتے وزیراعظم شہباز شریف دے دورہ چین سانڳے انگریزی روزنامہ ”دی نیوز” اچ پݨے ہک مضمون اچ آکھی جو دورہ دے بعد چین سیلاب زدہ علاقیاں دی تعمیر نو کیتے 500 ملین یوان دی ہنگامی امداد دا اعلان کیتے جیندے نال پاکستان کیتے چین دی مجموعی امداد 1.16 ارب یوان (36ارب روپے) تئیں پڄ ڳئی اے جیڑھی ٻئے ملکاں دے مقابلہ اچ سب توں ودھ اے۔ چین سیلاب نال تباہی، بحالی و تعمیر نو دے کم دا اندازہ لاوݨ کیتے ماہرین دی ٹیماں وی ٻھیڄن۔ انہاں آکھیا جو کڄھ ݙینھ پہلے کمیونسٹ پارٹی آف چائنا دی 20 ویں نیشنل کانگریس کامیابی نال مکی اے، ایں دوران وزیراعظم شہباز شریف چین دا پہلا سرکاری کیتے۔ چین پاکستان تعلقات کیتے ݙو وݙے مواقع آئن جیندے چنڳے نتیجے نکلسن۔ انہاں آکھیا جو صدر شی جن پنگ وزیر اعظم کوں ݙسائے جو چین مسلسل ترقی نال پاکستان اتے ٻئے ڄڳ کوں ترقی دے مواقع ݙیوݨ دی اپݨی پالیسی جاری رکھیسی۔ چینی سفیر آکھیا جو 20 ویں سی پی سی نیشنل کانگریس اینڄھے موقع تھئی اے ڄݙاں چین ہر لحاظ نال ہک جدید سوشلسٹ ملک دی تعمیر اتے ٻئے سو سالہ ہدف دو ودھݨ کیتے ہک نواں پندھ کریندا پئے۔ کمیونسٹ پارٹی آف چائنا دی 20 ویں سینٹرل کمیٹی دے پہلے اجلاس اچ جنرل سیکرٹری شی جن پنگ متفقہ طور تے ولا چݨیڄ ڳین جیندے نال چین کوں جدید سوشلسٹ ملک ٻݨݨ اچ مدد ملسی۔ نونگ رونگ آکھیے جو چین اپݨی داخلہ و خارجہ پالیسیاں دے استحکام نال عالمی حالات کوں عدم استحکام توں محفوظ کریندا پئے، اعلی معیار دی پیشرفت نال عالمی معیشتاں دی بحالی کیتے ہک مضبوط اتے دیرپا محرک، ذمہ دارانہ رویہ نال خطے اتے ڄڳ دی پرامن ترقی کیتے مسلسل کوشاں اے۔ انہاں آکھیے جو چینی صدر شی جن پنگ وزیر اعظم شہباز شریف کوں ݙسائے جو چین مسلسل ترقی نال پاکستان اتے ٻئے ڄڳ کوں ترقی دے مواقع ݙیوݨ کیتے اپݨی پالیسی جاری رکھیسی، وزیر اعظم شہباز شریف کمیونسٹ پارٹی آف چائنا دی 20 ویں نیشنل کانگریس دے بعد چین دا دورہ کرݨ آلے پہلے سربراہ حکومت ہن اتے چین انہاں دا چنڳاں استقبال کیتے۔ صدر شی جن پنگ، وزیراعظم لی کی چیانگ اتے نیشنل پیپلز کانگریس دی سٹینڈنگ کمیٹی دے چیئرمین لی ڑان شو وزیراعظم شہباز شریف نال مذاکرات کیتن۔ انہاں آکھیا جو فریقین ہک مشترکہ اعلامیہ وی جاری کیتے اتے ای کامرس، ڈیجیٹل اکانومی، زرعی مصنوعات دی برآمد، مالی تعاون، ثقافتی املاک دے تحفظ، انفراسٹرکچر، فلڈ ریلیف، آفات دے بعد تعمیر نو سودھا گلوبل ڈویلپمنٹ انیشیٹو، مویشیاں دی بیماریاں تے قابو پاوݨ، ذرائع معاش، ثقافتی تعاون،خلا، جیو سائنسز دے نال نال لا انفورسمنٹ اتے سکیورٹی دے شعباں اچ معاہداں اتے ایم او یوز تے دستخط کیتن۔ چین دے سفیر آکھیا جو صدر شی جن پنگ دی اے ݙو مہینے توں وی ڳھٹ عرصے اچ وزیراعظم شہباز شریف نال ذآڄہی ملاقات ھئی، انہاں وزیراعظم شہباز شریف کوں 20 ویں نیشنل کانگریس دے فوری بعد دورہ چین دی دعوت ݙتی جیندے نال چین پاکستان تعلقات دی انفرادیت اتے چین دی مجموعی سفارت کاری اچ پاکستان دی اہمیت دا ثبوت ملدے، اے بہترین تزویراتی ساڄھے داری اتے سیاسی باہمی اعتماد دی اعلی ترین سطح تے موجود اے، تہوں ݙوہاں ملکاں وچال تعلقات سانڳے ”آہنی دوستی” دی اصطلاح استعمال تھیندی اے، پاکستان چین نال اپݨے تعلقات کوں اپݨی خارجہ پالیسی دا بنیادی ستون سمڄھدے جیویں صدر شی جن پنگ وزیر اعظم شہباز شریف کوں آکھیے جو چین پاکستان نال اپݨے تعلقات کوں سٹریٹجک اتے طویل المدتی نقطہ نظر نال ݙیہدے، چین ایکوں ہمسایاں نال سفارت کاری اچ ترجیح ݙیندے، چین پاکستان تعلقات دی انفرادیت ہک ٻئے دے بنیادی مفادات سانڳے باہمی تعاون اچ اے، پاکستان ایں سال نینسی پلوسی دے دورہ تائیوان اتے انسانی حقوق کونسل اچ سنکیانگ بارے مسائل چاوݨ دی کوشش اچ چین دی ودھ حمایت کیتی اے، ایویں ہی چین پاکستان دی خودمختاری، علاقائی سالمیت، سکیورٹی و سماجی اتےاقتصادی ترقی و خوشحالی سانڳے ہتھ ونݙیندا پئے۔ انہاں آکھیا جو ساݙی تکڑی سنڳت ݙوطرفہ و بین الاقوامی سطح توں ودھ تے ہم کثیر الجہتی ٻݨ چکی اے، اساں گلوبل ڈویلپمنٹ انیشی ایٹو اتے گلوبل سیکورٹی انیشی ایٹو دےو دھارے کیتے کم کریندے پئے ہیں، پاک چین تعلقات چین پاکستان اقتصادی راہداری دے عملی تعاون دے نال بے مثال اے، سی پیک دے تحت 25 ارب ڈالر توںو دھ دی مجموعی سرمایہ کاری نال 47 منصوبے شروع یا مکمل کیتن، روزگار دے ݙیݙھ لکھ مواقع نکلین ڄݙاں جو 27 اکتوبر کوں تھیوݨ آلی 11 ویں جے سی سی اچ ݙوہاں ملکاں دے رہنماواں ایم ایل ون منصوبے تے عملدرآمد سودھا کراچی سرکلر ریلوے تےس رگرمیاںو دھاوݨ تے اتفاق کیتے، شمسی اتے ٻعے قابل تجدید توانائی منصوبیاں اچ رلݨ سانڳے چینی کاروباری اداریں دی حوصلہ افزائی کیتی ویسی، سی پیک دے اگلے مرحلے اچ اساں پاکستان اچ صنعتاں دے ودھارے اتے ایندی برآمدی مسابقت ودھاوݨ کیتے صنعت، زراعت، سائنس و ٹیکنالوجی اچ تعاون تکڑا کریسوں، صحت دی راہداری، صنعتی راہداری، ڈیجیٹل راہداری اتے گرین کوریڈور جھیں تصورات سی پیک دی اعلی معیار ترقی دا اہم حصہ ہوسن۔ نونگ رونگ آکھیا جو چین نال زرعی تجارت اچ پاکستان دا منافع پچھلے سال 640 ملین ڈالر تئیں پڄ ڳئے جیڑھا سالانہ بنیاداں تے 13 فیصد ودھارا اے، چین اپݨی میگا مارکیٹ تئیں پاکستان دی رسائی دا خیر مقدم کریندے، چین پاکستان توں اعلی معیار دی غذائی و زرعی مصنوعات چاہندے، پاکستان دیاں چینی سرمایہ کاراں کوں تحفظ دیاں ضمانتاں اتے سی پیک آئی پی پیز دے مسلیاں دے حل دیاں کوششاں، پاکستان اچ کاروبار شروع کرݨ کیتے چینی سرمایہ کاراں دی حوصلہ افزائی کریسن اتے کاروباری تعاون دے نویں در کھلسن۔ انہاں آکھیا جو چینی عوام کوں اڄ وی یاد اے جو 2008 اچ وینچوان اچ زلزلے دے بعد پاکستان اپݨے سارے خیمے ݙے ݙتے ہن، چین وی پاکستان دی سیلاب اچ مدد کیتی اے، ایں امداد دا حجم 660 ملین یوان تھی چکیے۔ چینی سفری عزم کیتے جو ݙو طرفہ مسلح افواج وچال قریبی تعاون، اعتماد و رابطہ ہے پیا، عسکری و سکیورٹی تعاون جاری رہسی، ݙوہاں ملکاں ثقافتی تعاون اتے ایندے تے عملدرآمدی منصوبہ دے معاہدے کوں 2027 تئیں توسیع ݙتی اے، 2023 چین پاکستان ایئر آف ٹورازم اتے گندھارا آرٹ نمائش آلا ہوسی جیڑھا بیجنگ دے پیلس میوزیم اچ تھیوݨے۔ نمائش اچ پاکستان دی متنوع ثقافت اتے چین نال رابطے دی طویل تاریخ اڳونہی کیتی ویسی۔ چینی سفیر آکھیا جو کورونا دی وبا ڳھٹݨ نال ہی پاکستانی طالبعلماں دی چین واپسی دا موثر حل کݙھیے، براہ راست فلائٹ آپریشنز بحال کیتن، عوامی سطح تے تبادلے وی بحال تھیندے پن۔ انہاں آکھیا جو پاکستان اچ تعیناتی نال ایں نویں تاریخی مرحلے اچ چنڳے مستقبل کتیے میکوں اعتماد ݙتے، اساں وزیراعظم شہباز شریف دے دورہ چین دے نتائج سانڳے عملدرآمد کیتے پاکستان نال رل تے کم کریسوں جیڑھا پاکستان اتے ڄڳ کیتے 20 ویں سی پی سی نیشنل کانگریس دے مواقع اتے اہمیت اڳونہی کرݨ، نویں دور اچ سانڄھے مستقبل نال پاک چین کمیونٹی دی ترقی اتے ساݙی سدا بہار تزویراتی معاون شراکت داری کوں نویں تݙ ݙیسی۔
