اسلام آباد۔21فروری (اے پی پی) قومی اسمبلی سیکرٹریٹ اچ نویں منتخب ممبران قومی اسمبلی سانڳے فیسیلیٹیشن سینٹر بݨا ݙتا ڳئے ۔ ترجمان قومی اسمبلی موجب قومی اسمبلی سیکرٹریٹ اچ نویں منتخب ممبران قومی اسمبلی دی سہولت سانڳے کمیٹی روم نمبر 2 اچ فیسلیٹیشن سینٹر بݨا ݙتا ڳئے جیں اچ نویں منتخب معزز ممبران دی رجسٹریشن توں علاوہ کارڈز اتے ٻئی ضروری دستاویزات سانڳے فوٹو بݨائے ویسن ۔ سینٹر 22 فروری توں قومی اسمبلی دے افتتاحی اجلاس تئیں سویلے 10 وڄے توں تریجھے پہر 3 وڄے تئیں منتخب ممبران قومی اسمبلی دی رجسٹریشن سانڳے خدمات سرانجام ݙیندا رہ ویسی ۔ نویں منتخب ممبران توں درخواست اے جو او رجسٹریشن دے سلسلے اچ کہیں دشواری توں بچݨ سانڳے 22 فروری توں آپݨی رجسٹریشن سانڳے تشریف گھن آون ۔نویں منتخب ممبران قومی اسمبلی رجسٹریشن سانڳے آپݨے قومی شناختی کارڈ سودھے ٻئی ضروری دستاویزات نال رکھن ۔
