اسلام آباد۔2مئی(اے پی پی)پاکستان اتے متحدہ عرب امارات دی قیادت دی ملاقات اچ تھیوݨ آلے اہم فیصلاں تے عملدرآمد کیتے معاشی ٹیم پاکستان اآسی اتے وزیراعظم شہبازشریف نال منگل کوں لاہور اچ ملسی۔ ایں سانڳے متحدہ عرب امارات دے معاشی ماہرین دا 3 رکنی وفد پاکستان دا ہنگامی دورہ کریندا پئے۔ ملاقات اچ پاکستان اتے یو اے ای وچال معاشی سرگرمیاں ودھاوݨ کیتے اقدامات تے الایا ویسی۔ وزیراعظم شہباز شریف وفد دے اعزاز اچ عشائیہ وی ݙیسن۔ ایں موقع تے معاشی، تجارتی اتے سرمایہ کاری ودھاوݨ دے معاملیاں تے غور کیتا ویسی اتے خاص کر توانائی، معاشیات، پٹرولیم انڈسٹری دے شعباں اچ غانݙھا ودھاوݨ تے ڳالھ مہاڑ تھیسی۔
