اسلام آباد – 29 مارچ (اي پي پي) وزيراعظم شاهد خاقان عباسي بينظير انڪم سپورٽ پروگرام جي انڊومينٽ فنڊ لاءِ هڪ ارب روپين جو اعلان ڪندي چيو آهي ته بينظير انڪم سپورٽ پروگرام جي بجيٽ ۾ اسان جي دور ۾ 50 سيڪڙو اضافو ٿيو آهي ۽ ايندڙ بجيٽ ۾ ان کي اڃان به وڌيڪ وڌائينداسين، هي غريبن لاءِ سماجي تحفظ جو اهم پروگرام آهي اميد آهي ته نئين حڪومت به ان پروگرام کي جاري رکندي. هو بينظير انڪم سپورٽ پروگرام جي هيڊڪوارٽر ۾ بي آءِ ايس پي گريجوئيشن پروگرام ۽ بي آءِ ايس پي انڊومنٽ فنڊ جاري ڪرڻ جي موقعي تي خطاب ڪري رهيو هو.
