اسلام آباد۔29دسمبر(اے پی پی)وفاقی وزیر داخلہ رانا ثنا اللہ خان آکھیے جو پولیس جواناں دی فرض شناسی، حاضر دماغی اتے پیشہ وارانہ مہارت دارالحکومت اسلام آباد کوں کہیں وݙے حادثے توں بچائے، پوری پاکستانی قوم پیشہ وارانہ خدمت تے اسلام آباد پولیس کوں خراج تحسین پیش کریندی اے۔ اے ڳالھ انہاں پمز ہسپتال اچ آئی ٹین بم دھماکے دے زخمی پولیس جواناں کوں پچھݨ ویلھے الیندے آکھی۔ آئی جی اسلام آباد ڈاکٹر اکبر ناصر خان، ڈی آئی جی آپریشنز سہیل ظفر چٹھہ اتے سینئر افسران وی انہاں دے نال ہن۔ وزیر داخلہ دھماکے دے زخمی پولیس جوان محمد حنیف نال ملین، خیر خیریت پچھی اتے پھلاں دا گلدستہ اتے امدادی چیک وی ݙتا۔ وفاقی وزیر رانا ثنا اللہ خان آکھیے جو وزیراعظم شہباز شریف شہید عدیل حسین کیتے فوری شہید پیکیج ݙتے اتے تمغہ شجاعت وی ݙتا ویسی، زخمیاں دا وی خیال رکھیسوں اتے کفیل ٻݨسوں۔ انہاں آکھیا جو دہشت گرداں کوں مذموم مقاصد اچ کامیاب نا تھیوݨ ݙیسوں، دہشتگرداں دیاں بزدل کارروائیاں نال ساݙے سکیورٹی فورسز دے حوصلے ݙھیلے نا پوسن۔
