اسلام آباد۔30مئی (اے پی پی) صدر مملکت ڈاکٹر عارف علوی ݙو ݙینھ دے دورے تے کوئٹہ پڄ ڳے،خاتون اول بیگم ثمینہ عارف علوی وی انہاں دے نال ہن۔ ایئرپورٹ پورٹ تے گورنر بلوچستان ملک عبدالولی کاکڑ اعلیٰ صوبائی حکام دے رلے انہاں دا استقبال کیتا۔ ایوان صدر دے پریس ونگ توں جاری بیان موجب صدرمملکت کوں گورنر ہاؤس آوݨ تے بلوچستان کانسٹبلری دے دستے گارڈ آف آنر پیش کیتا۔ بعد اچ صدرمملکت گورنر بلوچستان نال ملاقات کیتی۔ ملاقات اچ صوبے دی مجموعی صورتحال اتے آپسی دلچسپی دے معاملیاں تے ڳالھ کیتی ڳی۔ صدرمملکت ݙو ݙینھ دے دورے اچ 34 ویں نیشنل گیمز دے چھیکڑی تقریب اچ شریک تھیسن۔ صدر مملکت گڈ گورننس دے فروغ اچ محتسبین دے کردار تے سیمینار توں وی خطاب کریسن۔
