سلام آباد۔16اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو تحریک انتشار آئینی ترامیم تے اراکین پارلیمنٹ کوں دھمکاوݨ شروع کرݙتے، ریاست دھمکاوݨ آلیاں نال سختی نال نمٹسی۔ میڈیا نال الیندے انہاں آکھیا جو تحریک انتشار اچ اتحاد و اتفاق کائنی، اے آپس اچ بھڑیے ہوئے ہین، کہیں کوں نقصان پچاوݨ دی کوشش کیتی تاں یاد رکھین جو انہاں دے خلاف سخت کارروائی کیتی ویسی، جنہاں ملک نال غداری کیتی انہاں دیاں مثالاں سامݨے ہین، اپݨے دور حکومت اچ انہاں ملک نال جو کڄھ کیتے قوم ڄاݨدی اے، جانتی پاکستان ہے تاں اساں ہیں، کوئی سیاسی جماعت ملک توں وݙی کائنی۔ امن و سکون نال معاملات اڳو تے ودھسن۔ انہاں آکھیا جو الحمد اللہ ! شنگھائی تعاون تنظیم سربراہ کانفرنس کامیابی نال مک ڳئی اے جیندے نال پاکستان دا نہ صرف عالمی سطح تے تشخص بحال تھئے ٻھل آوݨ آلے مہماناں پاکستان دے خطے اچ اہم کردار دی تعریف کتی اے، شاندار مہمان نوازی تے پاکستان دا ماݨ ودھیے۔
