اسلام آباد۔25جون(اے پی پی)پاکستان مقبوضہ کشمیر اچ جی 20 اجلاس کراوݨ دی بھارتی ہک ٻئی مکروہ سازش بے نقاب کر ݙتی اے۔ ترجمان دفتر خارجہ عاصم افتخار آکھیے جو بھارت جی 20 دا اجلاس غیر قانونی طور تے مقبوضہ کشمیر اچ کرݨ دی منصوبہ بندی کریندا پئے، ٻھل پاکستان بھارت اینڄھی کہیں وی کوشش کوں مسترد کریندے اتے اے نا تھیوݨ ݙتا ویسی۔ انہاں آکھیا جو جموں وکشمیر پاکستان اتے بھارت وچال ہک متنازع علاقہ اے جیڑھا 1947 توں بھارت دے زبردستی اتے غیر قانونی قبضے اچ اے اتے اے جھیڑا ہے 70 سال توں ودھ مد توں اقوام متحدہ دی سلامتی کونسل اچ سݨیڄ سانڳے موجود اے، بھارت مقبوضہ کشمیر اچ مظالم و انسانی حقوق دی خلاف ورزیاں دا ذمے دار اے، 5 اگست دے بھارتی اقدامات دے بعد مقبوضہ کشمیر اچ 639 کشمیریی قتل تھین اتے بھارت مقبوضہ علاقے دے آبادیاتی ڈھانچے کوں وٹاوݨ دی کوشش اے ٻھل پاکستان ایندا رستہ ݙکیسی۔
