اسلام آباد۔13جولائی(اے پی پی) نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل انعام حیدر ملک اچ ساوݨ دے مینھ پاروں سامݨے آندی صورت حال تے متعلقہ اداریں کوں الرٹ رہݨ دی ہدایت آبی ذخائر دی مسلسل نگرانی و ممکنہ خطرے دی زد اچ آوݨ آلیاں آبادیاں دی وختی محفوظ جاہ تے منتقلی دی ہدایت کیتی اے ۔ ملک اچ ساوݨ دے مینھ تے متوقع سیلاب دے امکان پاروں نیشنل ایمرجنسی آپریشن سینٹر دا خصوصی اجلاس چیئرمین این ڈی ایم اے دی صدارت اچ تھیا ۔ اجلاس اچ ڈی جی پی ایم ڈی،فلڈ فورکاسٹنگ ڈویژن، پاکستان کمیشن انڈس واٹر، سپارکو، پی ڈی ایم اے پنجاب مینھ وسݨ تے سیلاب دے امکان تے جݙاں جو ریسکیو 1122 ریلیف آپریشن اتے ایمرجنسی سامان بشمول 83 ٻیڑیاں دی وصولی تے بریفنگ ݙتی۔اجلاس اچ ݙسایا ڳئے جو آندے کجھ ݙینھ اچ وسݨ آلے مینھ توں سیلاب دا ݙر کائنی ۔ چیئرمین این ڈی ایم اے موجودہ صورتحال پاروں متعلقہ اداریں کوں الرٹ رہݨ تے آبی ذخیریں دی مسلسل نگرانی و ممکنہ خطرے دی زد اچ آوݨ آلیاں آبادیاں دی وختی محفوظ جاہ تے منتقلی دی ہدایات ݙتن۔
