اسلام آباد – 07 – اپريل (اي پي پي) اطلاعات ۽ نشريات واري مملڪتي وزير فرخ حبيب چيو آهي ته عمران خان جي ڊپ سبب سمورا چور گڏ ٿيا آهن. مملڪتي وزير هڪ ٽوئيٽ ۾ چيو ته عمران خان جو بيانيو کٽي ويو ۽ مخالف ڌر هارائي وئي، آئنده اليڪشن ۾ مخالف ڌر کي به خبر پئجي ويندي ته عوام ۾ ٻاهرين سازش جي ڪٺ پتلين ۽ ضمير فروشن جي حالت ڪهڙي ڪن ٿا ، فوري صاف ۽ شفاف چونڊون ئي پاڪستان ۾ سياسي ۽ معاشي استحڪام جي لاءِ ضروري آهن، شهباز، زرداري، فضل الرحمان چونڊن کان ان لاءِ ڀڄي رهيا آهن ته عوام کين بري طرح رد ڪري ڇڏيندي.
