معیشت، تجارت اتے سرمایہ کاری سمیت مختلف شعبیں اچ ڈو پاسے تجارت ودھاونڑ دی گنجائش موجود ہے ،بیلاروس کوں سی پیک اچ سرمایہ کاری دے مواقع توں فائدہ چاونڑاں چاہیدا ہے ، وفاقی وزیر دی وفد نال گالھ مہاڑ
اسلام آباد ۔ 4 اکتوبر (اے پی پی) وفاقی وزیر تجارت انجینئر خرم دستگیر بیلاروس دے اعلیٰ سطح دے وفد ڈپٹی وزیراعظم ولادی میرسیمشکو دی قیادت اچ ملاقات کیتی اتے انہاں ڈوہیں ملکاں وچال بیلاروس دے صدر دے دورہ پاکستان دے دوران تجارتی معاہدیں تے ایم او یوز بارے ڈسایا ۔انہاں ڈسایا جو ڈوہیں ملکاںوچال بینکنگ ،کسٹم تے ایوی ایشن سمیت مختلف شعبیں اچ ایم او یوز تے دستخط کیتے ونجنڑ دا امکان ہے ۔انہاں وزیر تجارت کوں ڈسایا ڈوہیں ملکاں وچال گزریل ڈو سالاں نال سانجھے تعلقات اچ تکھے ودھارا تھیا ۔انہاں اجوکے دورہ پاکستان نال ڈو پاسے تجارت اتے تعاون ودھاونڑ دی ہک لڑی ہے ۔ انجینئر خرم دستگیر خان وفد کوں خوش آمدید آکھیا تے ایں امید دا ظہار کیتا جو موجودہ دورہ ڈو پاسے تجارت اتے سرمایہ کاری اچ ودھارے دا باعث بنڑسی ۔انہاںآکھیا جو معیشت تجارت اتے سرمایہ کاری سمیت مختلف شعبے اچ ڈو پاسے تجارت ودھاونڑ دی گنجائش موجود ہے ۔پاکستان غیر ملکی سرمایہ کاراں کوں سرمایہ کاری سانگے سازگار ماحول اتے چنگیاں مراعات ڈیندا پئے اتے بیلا روس کوں سی پیک اچ سرمایہ کاری دے موقع توں فائدہ چاونڑاں چاہیدا ہے ۔
