راولپنڈی۔13مئی(اے پی پی) شمالی بلوچستان دے ایف سی کمپائونڈ مسلم باغ اچ کلیئرنس آپریشن( جیڑھا دہشت گرداں دے ابتدائی حملے کوں ناکام کرݨ دے بعد 12 مئی دی شام شروع تھیا ہئی )ہفتے دی سویل حملے اچ ملوث سارے 6 دہشت گرداں دی ہلاکت دے بعد مکمل کر ڳھدا ڳئے۔ پاک فوج دے شعبہ تعلقات عامہ (آئی ایس پی آر) توں جاری بیان موجب اوکھیے کلیئرنس آپریشن اچ یرغمالیاں کوں بچاوݨ دا عمل وی شامل ہئی جیں اچ ھک رہائشی بلاک توں ترائے خانداناں کوں وی بچا ڳھدے ، دہشت گرداں آپݨے سفاکانہ فعل اچ ٻالاں کوں وی نی بخشیا۔ کلیئرنس آپریشن وچ ھک شہری سودھے دھرتی دے 7 پتراں جام شہادت نوش کیتے جݙاں جو تریمت سودھے 6 بندے زخمی تھئن۔
