اسلام آباد۔9جولائی(اے پی پی):وزیراعظم محمد شہباز شریف مادر ملت محترمہ فاطمہ جناح کوں 56 ویں یوم وفات تے خراج عقیدت پیش کریندے ہوئیں آکھیے جو مادر ملت پیرانہ سالی دے باوجود آمریت دے خلاف ڈٹ تے کھڑیاں تھیاں ، عوام ، جمہوریت اتے ملک کیتے تاریخی کردار ادا کیتے ۔ مادر ملت محترمہ فاطمہ جناح دے 56 ویں یوم وفات تے وزیراعظم اپݨے پیغام اچ آکھیے محترمہ فاطمہ جناح ھک عظیم بھرادی عظیم بھیݨ ہن ، فاطمہ جناح قوم کیتے ما دا درجہ رکھیندیاں ہن ، قوم تے انہاں دے ٻہوں سارے احسان ہن ۔ وزیراعظم آکھیے محترمہ فاطمہ جناح بابائے قوم کیتے حوصلے اتے ہمت دا ذریعہ ہن ، مادر ملت پیرانہ سالی دے باوجود آمریت دے خلاف ڈٹ تے کھڑی تھیاں، عوام ، جمہوریت اتے ملک کیتے تاریخی کردار ادا کیتا ، محترمہ فاطمہ جناح تحریک پاکستان اے ملک کیتے بے مثال کردار ادا کیتا تے قربانیاں ݙتیاںم، محترمہ فاطمہ جناح دی شخصیت اڄ دیاں ٻالڑیں تے تریمتاں کیتے مشعل راہ اے ۔
