اسلام آباد – 31 جولاءِ (اي پي پي) صدر ڊاڪٽر عارف علوي چيو آهي ته پوري قوم ملڪ جي دفاع لاءِ هٿياربند فوج سان ڪلهو ڪلهي ۾ ملائي بيٺل آهي. هن اها ڳالهه بلوچستان ۽ اتر وزيرستان ۾ دهشتگرد حملن ۾ شهيد ٿيندڙ ڪيپٽن محمد عاقب جاويد، حوالدار خالد محمود، سپاهي عاطف الطاف، سپاهي حفيظ الله، سپاهي مرزا بابر، سپاهي محمد بچل، سپاهي نويد خان، سپاهي احسن عباس، سپاهي نادر حسين ۽ سپاهي علي رضا جي گهرڀاتين سان فون تي رابطو ڪندي ڳالهائيندي ڪئي.
