راولپنڈی۔20مئی (اے پی پی) سیکورٹی فورسز بلوچستان دے مارگیٹ ایریا زرغون اچ ٻݨے سکیورٹی فورسز دی چوکی تے دہشت گرد حملے کوں ناکام ٻݨا ݙتے۔ پاک فوج دے شعبہ تعلقات عامہ توں چھݨ چھݨ کوں جاری پریس ریلیز موجب 20 مئی 2023 کوں سویلے دہشت گرداں دے ہک گروپ بلوچستان دے مارگیٹ ایریا زرغون اچ ٻݨی سکیورٹی فورسز دی چوکی تے حملہ کیتا۔ اے پوسٹ اڄوکے اچ علاقے اچ کوئلے دی کاناں کوں نشانہ ٻݨا تے بھتہ خوری دی کوششاں کوں روکݨ اچ مدد کیتے ٻݨائی ڳی ہئی۔ آئی ایس پی آر موجب سیکیورٹی پوسٹ تے موجود فوجیاں جوابی کاروائی کریندیں ہوئیں دہشت گرداں کوں پچھوں دھکیل ݙتا اتے شدید فائرنگ دے تبادلے اچ ترائے فوجیاں شہید تھی ڳے اتے ہک دہشت گرد کوں سکیورٹی فورسز جہنم واصل کر ݙتا۔ آئی ایس آر دی کوششاں تے مبنی فا لو اپ دے تحت دے نیڑے پہاڑاں اچ ممکنہ طور تے فرار تھیوݨ آلے دہشت گرداں دے ٹھکاݨے دی نشاندہی کیتی ڳی اتے بلاکنگ اتے سینیٹائزیشن آپریشن شروع کیتا ڳیا۔ آئی ایس پی آر آکھیا جو آپریشن موثر انداز نال اڳوں ودھدا پے۔ سیکیورٹی فورسز قوم نال رَل تے بلوچستان دے امن، استحکام اتے ترقی کوں سبوتاژ کرݨ دی کوششاں کوں ناکام ٻݨاوݨ کیتے پرعزم ہن۔
