اسلام آباد۔6جون (اے پی پی) وزیراعظم شہباز شریف دی ہدایت تے جاپانی کمپنیاں دے مسئلے حل کرݨ کیتے ہنگامی بنیاداں تے کمیٹی ٻݨا ݙتی ڳئی اے جڈانجو وزیراعظم ہدایت کیتی اے جو جاپانی کمپنیاں دے سارے مسئلے ہک ہفتے دے اندر حل کر تے انہاں کوں رپورٹ پیش کیتی ونڄے۔ ایکسپورٹ پراسیسنگ زونز کوں ٹیکس فری کرݨ بارے اقدامات کیتے ونڄن۔ سنوار کوں وزیراعظم میڈیا آفس توں جاری بیان موجب وزیراعظم نال جاپانی کمپنیاں دے وفد ملاقات کیتی۔ ایں موقع تے وزیراعظم آکھیا جو جاپانی وفس کوں دعوت ݙیندوں جو او پاکستان اچ سرمایہ کاری اتے تجارت دے ودھارے کیتے پاکستان دا جلدی دورہ کرن۔ تھر اچ کوئلے، چنیوٹ اچ لوہے دے ذخائر، قابلِ تجدید توانائی، انفراسٹرکچر اتے پبلک ٹرانسپورٹ اچ سرمایہ کاری اتے تعاون دے ٻہوں موقع موجود ہن۔ اے ملاقات وزیراعظم دی ساری مقامی تے بین الاقوامی کاروباری تے تجارتی سٹیک ہولڈر نال بجٹ بارے ملاقاتاں دی ہک کڑی اے۔ جاپانی وفد اچ پاکستان اچ جاپان دے سفیر میتسوہیرو واڈا، چاپانی کمرشل اتاشی اتے سارے وݙے صنعتی تے تجارتی شعبیاں اچ کم کرݨ آلی جاپانی کمپنیاں دے نمائندے شریک تھیے۔ اجلاس اچ وفاقی وزراء خرم دستگیر، مفتاح اسماعیل، مخدوم مرتضی محمود اتے متعلقہ حکام وی شریک تھیے۔
