اسلام آباد۔27دسمبر(اے پی پی)صدر مملکت ڈاکٹر عارف علوی عالمی برادری کوں آکھیے جو او بھارتی سکیورٹی فورسز ولوں مقبوضہ جموں و کشمیر دے لوکاں نال انسانی حقوق دی خلاف ورزیاں دا نوٹس ڳھنے، بھارت بے گناہ لوکاں دے خلاف دہشت گردی شروع کیتی ہوئی اے، کئی ڈھاکاں توں انہاں کوں ریاستی دہشت گردی دا نشانہ ٻݨیدا پئے، پاکستان کشمیریاں دے حق خودارادیت دی منصفانہ جدوجہد اچ انہاں دی حمایت جاری رکھیسی۔ صدر مملکت اے ڳالھ اقوام متحدہ اچ پاکستان دے مستقل مندوب منیر اکرم نال ایوان سدر اچ ملݨ ویلھے آکھی۔ صدر مملکت آکھیا جو ہندوستان دے اصل چہرے کوں ہر بین الاقوامی فورم تے بے نقاب کرݨا چاہیدے، بھارتی غیر قانونی زیر تسلط جموں وکشمیر دے بے گناہ مسلماناں اتے ٻئے اقلیتی گروہاں دے ماورائے عدالت قتل، تشدد اتے قید دیاں کارروایاں ودھدیاں پین، اے عالمی برادری دی ذمہ داری اے جو او بھارت کوں نتھ ڳھتے اتے کشمیر تے اقوام متحدہ دی سلامتی کونسل دی قرارداداں تے عمل درآمد کراوے۔
