لاہور۔21اگست (اے پی پی):ترجمان پراونشل ڈیزاسٹر مینجمنٹ اتھارٹی پنجاب آکھیے گنڈا سنگھ والا دی جاہ تے اُچے درجے دی چھل اے اے تاں ایں جاہ تے پاݨی دی سطح گھٹدی پئی اے اتھاں پاݨی 1 لکھ 74 ہزار کیوسک اے، ݙو ݙینھ پہلے گنڈا سنگھ آلا دی جاہ تے پاݨی 2 لکھ 78 ہزار کیوسک وہندا پیا ہئی ۔ ترجمان آکھیے دریائے ستلج دا چھل دا ریلا اڳوں ودھدا پئے ، ہیڈ سلیمانکی تے اُچے درجے دی چھل اے ۔جتھاں پاݨی دی سطح ودھدی پئی اے ، ہیڈ سلیمانکی دی جاہ تے 1 لکھ 46 ہزار کیوسک پاݨی وہندا پئے جݙاں جو ہیڈ اسلام دی جاہ تے پاݨی دا وہݨ نارمل اے ، قصور، اوکاڑہ، پاکپتن، وہاڑی، بہاولنگر، ملتان، لودھراں اتے بہاولپور دے نشیبی علاقے چھل دی وٹھ اچ ہن جݙاں جو متعلقہ ضلعیں دی انتظامیہ ہائی الرٹ اے۔
