دوشنبي – 03 – جولائي (اي پي پي) وزيراعظم محمد شهباز شريف ڏکڻ ۽ وچ ايشيائي خطي ۾ علائقائي رابطن جي اهميت تي ڏيندي تاجڪ وزيراعظم کي ڪراچي بندرگاهه کي ٽرانزٽ واپار جي لاءِ استعمال ڪرڻ ۽ ٻنهي ملڪن جي وچ ۾ ريل ٽريڪس ۽ روڊن جي تعمير جي دعوت ڏيندي چيو آهي ته پاڪستان پنهنجي ”ويزن سينٽرل ايشيا“ پاليسي موجب تاجڪستان سميت وچ ايشيائي ملڪن سان گڏ رابطن جي وڌيڪ فروغ کي جاري رکندو. پاڪستان وچ ايشيائي ملڪن کي واپاري لنگهه فراهم ڪرڻ ۽ علائقائي واپار جي فروغ جي لاءِ تمام ويجهو علائقائي ڪنيڪيٽويٽي سمٽ جي ميزباني ڪندو. اهڙن خيالن جو اظهار وزيراعظم محمد شهباز شريف تاجڪستان جي پنهنجي هم منصب طاهر رسول زاده سان ملاقات دوران ڪيو. وزيراعظم آفيس جي ميڊيا ونگ پاران جاري بيان موجب ملاقات ۾ وزيراعظم محمد شهباز شريف ۽ تاجڪستان جي وزيراعظم قاهر رسول زاده ٻنهي ملڪن جي ڀائراڻي لاڳاپن کي وڌيڪ مضبوط بڻائڻ جي عزم جو ورجاءُ ڪيو آهي. جڏهن ته وزيراعظم محمد شهباز شريف تاجڪ وزيراعظم کي ڪراچي بندرگاهه لنگهه واپار جي لاءِ استعمال ڪرڻ جي دعوت ڏني آهي. ملاقاتن ۾ ٻنهي اڳواڻن گڏيل دلچسپي جي سمورن شعبن ۾ ٻطرفن لاڳاپن جي فروغ تي اطمينان جو اظهار ڪيو آهي ۽ پاڪستان تاجڪستان جي وچ ۾ موجوده ڀائراڻي لاڳاپن کي وڌيڪ مضبوط بڻائڻ جي گڏيل خواهش جو اظهار ڪيو. ان موقعي تي وزيراعظم محمد شهباز شريف تاجڪ وزيراعظم کي ٽئين اعليٰ سطحي پاڻي ڪانفرنس جي ڪامياب انعقاد تي مبارڪباد ڏني ۽ پاڻي سفارتڪاري جي شعبي ۾ تاجڪستان جي قائداڻي ڪردار کي ساراهيو. اسٽريٽجڪ حصيداري جي معاهدي تي صحيحن کي پاڪستان ۽ تاجڪستان جي وچ ۾ ٻطرفن لاڳاپن ۾ هڪ تاريخي سنگ ميل قرار ڏيندي وزيراعظم ان اميد جو اظهار ڪيو ته ٻنهي ملڪن جي وچ ۾ لاڳاپن جي ان بلندي سان گڏيل طور تي فائدو اقتصادي تعاون جي نئين شعبن ۾ تعاون کي فروغ ملندو. وزيراعظم شهباز شريف چيو ته پاڪستان پنهنجي ويزن سينٽرل ايشيا پاليسي موجب تاجڪستان سميت وچ ايشيائي ملڪن سان رابطن جي وڌيڪ فروغ کي جاري رکندو. هن خطي جي پائيدار ۽ ڊگهي مدي واري سماجي ۽ اقتصادي ترقي جي لاءِ علائقائي رابطن جي اهميت تي پڻ زور ڏنو. وزيراعظم شهباز شريف ڏکڻ ۽ وچ ايشيائي خطي ۾ علائقائي رابطن جي اهميت تي زور ڏنو. هن تاجڪ وزيراعظم کي ڪراچي بندرگاهه کي ٽرانزٽ واپار جي لاءِ استعمال ڪرڻ جي دعوت ڏني ۽ چيو ته ٻنهي ملڪن جي وچ ۾ ريل ٽريڪس ۽ روڊن جي تعمير سان علائقائي رابطن کي وڌيڪ فروغ ڏئي سگهجي ٿو. وزيراعظم چيو ته پاڪستان وچ ايشيائي ملڪن کي واپاري لنگهه فراهم ڪرڻ ۽ علائقائي واپار جي فروغ جي لاءِ تمام جلد علائقائي ڪنيڪيٽويٽي سمٽ جي ميزباني ڪندو. وزيراعظم پاڪستان ۽ تاجڪستان جي وچ ۾ شروع ٿيندڙ تازي عالمي اڏامن جي آجيان ڪئي ۽ انهن اڏامن جي انگ جي اهميت تي زور ڏنو. وزيراعظم چيو ته تاجڪ ۽ پاڪستاني عوام جي وچ ۾ مذهبي ۽ ثقافتي قدر گڏيل آهن ۽ ٻنهي ملڪن جي وچ ۾ سماجي رابطن کي وڌيڪ توسيع ڏيڻ جي ضرورت تي زور ڏنو. وزيراعظم ثقافت، تعليم، راندين ۽ عوام سان عوام جي رابطن جي شعبن ۾ تعاون ۾ فروغ جو به ورجاءُ ڪيو.
.jpg)
.jpg)
