اسلام آباد۔23جنوری(اے پی پی):وفاقی وزیر توانائی انجینئر خرم دستگیر آکھیے جو بجلی دے نظام دی بحالی کیتے پوری کوشش اے، پورے ملک اچ ہک ہک کر تے سارے توانائی پلانٹس چلاوݨ شروع کر ݙتن، امید اے رات تئیں پورے ملک اچ بجلی بحال کر ݙتی ویسی، وزیراعظم دی ہدایت تے بجلی بریک ڈائون دی تحقیقات تھینداں پن۔ اسلام آباد اچ پریس کانفرنس کریندے انہاں آکھیا جو بجلی دے نارتھ ساؤتھ نظام اچ خرابی آئی اے جیندے نال نیشنل گرڈ دی سسٹم فریکوئنسی متاثر تھئی اتے پورے ملک اچ وݙا بریک ڈائون آئے۔ انہاں آکھیا جو ملک اچ بجلی دا ترسیلی نظام محفوظ اے، کوئی خراب?? یا حادثہ نئیں تھیا، اوچ دے نیڑے پاور پلانٹ متبادل بجلی ݙیندا پئے جتھو سندھ سودھا بلوچستان اتے جنوبی پنجاب دے کڄھ علاقیاں سودھا کے الیکٹرک صارفین کوں جزوی بجلی بحال کر ݙتی اے، پاور پلانٹس چلاوݨ کیتے بجلی دی لوڑ?? پوندی اے ایں سانڳے فرنس آئل تے بجلی ٻݨاوݨ دی ہدایت کیتی اے۔ وزیراعظم دی ہدایت تے معاملے دی تحقیقات کیتے 3 رکنی کمیٹی ٻݨائی اے جیڑھی وزیراعظم کون رپورٹ کریسی، وزارت توانائی توجہ اتے ذمہ داری نال کم کریندی پئی اے جیڑھی تیکھے بحال کرݙتی ویسی۔
.jpg)
