لندن۔25ستمبر (اے پی پی) نگراں وزیراعظم انوار الحق کاکڑ ٻاہرلے ملک رہݨ آلے پاکستانیاں تے زور ݙتا جو او پاکستانیاں اچ سرمایہ کاری دے موقعیاں توں فیدہ چاون۔ سنوار کوں وزیراعظم آفس دے میڈیا ونگ توں جاری بیان موجب نگراں وزیراعظم انوار الحق کاکڑ نال ممتاز برطانوی پاکستانی تاجراں دے وفد پاکستان ہاؤس اچ ملاقات کیتی۔ نگراں وزیراعظم عبوری ولوں کیتی ڳئی اصلاحات پاروں مثبت معاشی اشاریاں کوں اجاگر کیتے جئیں اچ پاکستانی روپیہ مستحکم کرݨ، مہانگ اچ ڳھٹکی اتے متوقع اقتصادی ترقی کوں مضبوط کرݨ وی شامل اے۔ برطانوی پاکستانی کاروباری رہنماواں وزیراعظم دے تارکین وطن تئیں رسائی تے انہاں دی تعریف کیتی اتے ملک اچ آپݨی سرمایہ کاری کوں ودھاوݨ کیتے سرگرمی نال کوشش کریندیں ہوئیں پاکستان اچ آپݨے کاروباری آپریشنز کوں ودھاوݨ اچ دلچسپی ݙکھائی اے۔
