کراچی۔ 28 اکتوبر (اے پی پی) نگراں وفاقی وزیر توانائی و پٹرولیم محمد علی گیس دے نرخاں اچ ناقابل برداشت ودھارے تے تاجر برادری دے تحفظات سݨݨ دے بعد یقین ݙیوائے جو او کابینہ دے اجلاس اچ گیس دے نرخاں کوں گھٹ کرݨ دی پوری کوشش کریساں جنہاں کوں گردشی قرضیں اچ ودھارے کوں روکݨ کیتے ودھایا ویندا پئے۔ انہاں آکھیے گیس دا پورا شعبہ کئی سالاں توں مسلسل 400 ارب روپے سالانہ دے ضیان توں ݙوچار اے تے گزریل سال اے ضیان 461 ارب روپے تئیں پڄ ڳئے جیں دے نتیجے اچ گیس سیکٹر دا مجموعی نقصان 2100 ارب روپے تئیں پڄ ڳئے لہذا گیس دے نرخاں اچ ودھارے تے تجویز کیتا ڳئے ۔ صنعتاں کیتے پچھلے بجلی اضافی کھپت دے 7 ارب روپے جاری کر سانڳے کم جاری اے جیں دا سیکرٹری توانائی وعدہ کیتا ہئی جݙاں جو وزارت بجلی دی اضافی کھپت دے حوالے نال ایں سال موسم پالے تے پیکیج متعارف کراوݨ تے وی کم کریندی پئی اے ، ہفتے کوں جاری اعلامیہ موجب اے ڳالھ انہاں کراچی چیمبر آف کامرس اینڈ انڈسٹری دے دورے دے موقع تے اجلاس توں خطاب اچ آکھی اے۔
