اسلام آباد۔13مئی (اے پی پی)چووی گھنٹے وچ پورے ملک اچ 18 ہزار 165 کورونا ٹیسٹ کیتے ڳئن۔جمعہ کوں قومی ادارہ صحت ( این آئی ایچ) دی طرفوں جاری ٹویٹ اچ شیئر کیتے ڳئے اعدادوشمار دے مطابق گزریل 24 گھنٹے اچ 18 ہزار 165 کورونا ٹیسٹ کیتے ڳئن جنہاں اچوں 93 لوکاں دے کورونا ٹیسٹ مثبت آئے ۔ ایں طرح گزریل 24 گھنٹے اچ کیتے ڳئے مثبت کورونا ٹیسٹ دی شرح 0.51 فیصد رہی اے۔ ، ایں دوران کورونا وائرس توں کوئی وی مریض جاں بحق نی تھیا جݙاں جو 115 مریضاں دی حالت تشویشناک اے۔
