اسلام آباد۔1ستمبر (اے پی پی):وزیراعظم دے مشیر امور کشمیر و گلگت بلتستان قمر زمان کائرہ آکھیے جو سید علی گیلانی پاکستان دے زبردست حامی ہن تے او خود کوں پاکستان دا حصہ سمجھدے ہن ،او کشمیریاں دے دل دی آواز ہن ،ایل او سی دے ݙوہیں پاسوں کشمیری سید علی گیلانی دی آواز تے لبیک آکھدے ہن ۔ ممتاز کشمیری رہنما سید علی گیلانی دے پہلے ورھیݨے دے موقع تے انہاں کوں زبردست خراجِ عقیدت پیش کریندے ہوئیں قمر زمان کائرہ آکھیے جو سید علی گیلانی جیہی نمایاں اتے طاقتور کشمیری آواز کوں اساں توں وچھیڑے ھک سال تھی ڳئے ، جوانی توں وفات تئیں سید علی گیلانی کشمیردی آزادی کیتے پر امن جدوجہد کیتی، اوکشمیریاں دے دل دی آواز ہن ۔ سید علی گیلانی تے انہاں دا خاندان اپݨی پرعزم جدوجہد پاروں بھارتی حکومت دے ظلم و جبر دا شکار رہیا ،انہاں کوں وݙا عرصہ جیلاں اچ بند رکھیا ڳیا لیکن بھارتی حکومت سید علی گیلانی دے عزم کوں ہراوݨ اچ ناکام رہی ۔ قمرزمان کائرہ آکھیے جو سید علی گیلانی پاکستان دے زبردست حامی ہن تے او خود کوں پاکستان دا حصہ سمجھدے ہن ، بھارتی حکومت انہاں توں اتنا ݙردی ہئی جو انہاں دے فوت تھیوݨ تے مقبوضہ وادی اچ کرفیو لاݙتا ڳیا ، حکومت کشمیری عوام تے انہاں دے رشتے داراں کوں جنازے تے دفناوݨ اچ شرکت دی اجازت تئیں نہ ݙتی ، انہاں دعا منگی اے اللہ تعالیٰ سید علی گیلانی کوں اپݨے جوار رحمت اچ جاہ ݙیوے تے کشمیریاں دی تحریک آزادی کوں کامیابی نصیب فرماوے۔
.jpg)
