راولپنڈی۔15نومبر(اے پی پی)پاک فوج دے شعبہ تعلقات عامہ ݙسائے جو سکیورٹی فورسز ٹانک اچ کارروائی کریندے ہوئے 7 دہشت گرداں کوں دوزک پچا ݙتے۔ سکیورٹی فورسز دہشت گرداں دے ہووݨ دی ݙس تے ضلع ٹانک دے علاقے کِڑی مچن خیل اچ کارروائی کیتی اتے ایں دوران دہشت گرداں نال زوردار فائرنگ تھئی ڄیں پاروں 7 دہشت گرد ماریے ڳن۔ فورسز دہشت گرداں دیاں کمیں گاہیں وی ݙھوا چھوڑین۔ ماریے گئے دہشت گرداں توں اسلحہ اتے گولہ بارود وی ملیے۔ دہشت گرد ٹانک اتے نال دے علاقیاں اچ پولیس تے اڄوکے حملیاں سودھا دہشت گردی کارروائیاں اچ ملوچ ہن۔ آئی ایس پی آر آکھیے جو علاقے اچ دہشت گرداں کوں مکاوݨ کیتے سرچ آپریشن جاری اے۔
