لاہور۔28ستمبر(اے پی پی)پنجاب اسمبلی ختم نبوت صلی اللہ علیہ والیہ وسلم بارے احادیث سرکاری دفتراں اچ لاوݨ سانڳے قرار داد منظور کر ڳھدی اے۔ پنجاب اسمبلی دا اجلاس سپیکر چودھری پرویز الٰہی دی صدارت اچ تھئے۔ صوبائی وزیر عمار یاسر قرارداد پیش کیتی جیندے اچ آکھیا ڳئے جو ختم نبوت صلی اللہ علیہ والیہ وسلم بارے قرآن پاک دی آیات اتے احادیث ترجمے نال سرکاری دفتراں لایاں ونڄن۔ اے قرار داد متفقہ طور تے منظور کر ڳھدی ڳئی۔ قرار داد کے متن کے مطابق ختم نبوت بارے احادیث اضلاع دے داخلی و خارجی رستیاں تے وی ہوݨیاں چاہیدن۔
