دوحہ ۔6مارچ (اے پی پی):وزیراعظم محمد شہباز شریف قطر دا ݙو ݙینھ دا دورہ مکمل کرݨ دے بعد وطن واپس روانہ تھی ڳئن ۔ وزیراعظم آفس دے میڈیا ونگ توں جاری بیان موجب وزیراعظم اپݨے دورہ دے دوران گھٹ ترقی یافتہ ملکاں دی کانفرنس دے پنجویں اجلاس اچ شرکت کیتی ۔ او امیر قطر دی طرفوں کانفرنس اچ شریک سربراہان مملکت اتے وزرائے اعظم دے اعزاز اچ ݙتے ڳئے استقبالیہ اچ شریک تھئے ۔ وزیراعظم سنوار کوں کانفرنس دے اجلاس توں خطاب وی کیتا ۔ ایں موقع تے وزیراعظم شہبازشریف تے امیر قطر شیخ تمیم بن حمد آل ثانی نال ملاقات تھئی جیں اچ ݙوہیں ملکاں وچال معاشی وسرمایہ کاری تے تعاون کوں مزید ودھاوݨ دے طریقیں تے ڳالھ مہاڑ کیتی ڳئی اے ۔ قطر دے سرمایہ کاری بورڈ،قطر انویسٹمنٹ اتھارٹی دے سی ای او منصور ابراہیم المحمود وی وزیراعظم محمد شہباز شریف نال ملاقات کیتی جیں اچ پاکستان دی معیشت دے ٻہوں سارے شعبیں اچ سرمایہ کاری دی مختلف تجاویز تے پیش رفت تے ڳالھ مہاڑ کیتی ڳئی ۔ ملاقات اچ پاکستان دے توانائی اتے بنیادی ڈھانچے دے شعبیں اچ سرمایہ کاری دے مواقع تے روشنی پاتی ڳئی ۔
