اسلام آباد۔21دسمبر(اے پی پی)وزیر خارجہ مخدوم شاہ محمود قریشی نال برطانیہ دے ہاؤس آف کامنز دی ڈپٹی لیڈر آف اپوزیشن انجیلا رینر ملین۔ پاکستانی نژاد برطانوی رہنما لارڈ واجد خان وی انہاں دے کٹھے ہن۔ وزیر خارجہ مسئلہ کشمیر سانڳے لیبر پارٹی دے اصولی موقف دی تعریف کریندے پاکستان دا موقف ݙسایا اتے امید کیتی جو انجیلا رینر انسانی حقوق دیاں انہاں سنگین خلاف ورزیاں تے ہاؤس آف کامنز اتے ٻئے متعلقہ فورمز تے چیسن۔ انہاں ایف اے ٹی ایف دی صورتحال، خطے اچ امن و امان خاص کر افغانستان دی اڄوکی صورتحال تے الایا۔انہاں او آئی سی سے وزرائے خارجہ کونسل اجلاس دی اڳونہی تے وی الایا۔ انہاں آکھیا جو افغان عوام دا اوکھ ݙیہدے ہوئے برطانیہ سودھا عالمی برادری کوں اڳو تے ودھݨا چاہیدے۔
