اسلام آباد۔12اپریل (اے پی پی):وزیراعظم محمد شہباز شریف بھارتی وزیراعظم نریندر مودی دے تہنیتی پیغام تے انہاں دا شکریہ ادا کریندے ہوئیں آکھیے جو پاکستان بھارت دے نال پرامن اتے مبنی برتعاون تعلقات چاہندے ۔ منڳل کوں آپݨے بیان اچ انہاں آکھیے جو جموں و کشمیر سودھے پراݨے جھیڑے دا پرامن حل ناگزیر اے۔ انہاں آکھیے جو دہشت گردی دے خلاف جنگ اچ پاکستان دیاں قربانیاں کہیں توں لکیاں ہوئیاں کائنی ، اساکوں امن کوں یقینی بݨیندے ہوئیں آپݨے عوام دی سماجی و اقتصادی ترقی تے توجہ ݙیوݨی چاہیدی اے۔
