اسلام آباد۔28جولائی(اے پی پی) دولت مشترکہ دی سیکرٹری جنرل پیٹریشیا سکاٹ لینڈ اپݨے پہلے سرکاری دورے تے پاکستان پڄ ڳئن ۔پاکستان دی طرفوں یورپ سانڳے ایڈیشنل سیکرٹری خارجہ شفقت علی خان ہوائی اݙے تے انہاں دا استقبال کیتا۔دفتر خارجہ توں جاری بیان موجب سیکرٹری جنرل پیٹریشیا سکاٹ لینڈ اپݨے پنج ݙینھ دے دورے تے پاکستان د قیادت، کابینہ دے ارکان، نینگراں دے رہنماواں ، سول سوسائٹی دے نمائندیں تے ٻئے سٹیک ہولڈرزنال ملاقات کریسن ۔سیکرٹری جنرل 2022 دی چھل تے موسمیاتی تبدیلی دے منفی اثرات نال نبݨݨ سانڳے پاکستان نال آپݨی یکجہتی دا اعادہ کریسن ۔سیکرٹری جنرل دے دورے اچ ݙوہیں فریقین پاکستان اتے دولت مشترکہ وچال سانجھے مفاد دے ٻئے شعبیں اچ تعاون ودھاوݨ تے ڳالھ کریسن۔
