راولپنڈی۔3اگست (اے پی پی) چیف آف سٹاف ترکیہ نیول فورسز وائس ایڈمرل ابراہیم اوزدیم نیول ہیڈکوارٹرز اسلام آباد دا دورہ کیتے۔آئی ایس پی آر توں جاری بیان موجب نیول ہیڈ کوارٹرز پڄݨ تے وائس چیف آف دی نیول اسٹاف وائس ایڈمرل اویس احمد بلگرامی معزز مہمان دا استقبال کیتا۔ ترک چیف آف اسٹاف دی چیف آف دی نیول اسٹاف ایڈمرل نوید اشرف نال ملاقات اچ سانجھی دلچسپی دے امور تے ڳالھ مہاڑ کیتی ڳئی ۔ترک ایڈمرل خطے اچ میری ٹائم سکیورٹی تے پاک بحریہ دیاں کوششاں دی تعریف کیتی ۔پاک بحریہ اتے ترکیہ بحریہ وچال چھٹی ماہرین دی سطح دے اسٹاف مذاکرات کیتے ڳئن ۔ مذاکرات اچ سانجھے آپریشنز، تربیت اتے تکنیکی شعبیں متعلق وسیع امور تے ڳالھ مہاڑ کیتی ڳئی اے ۔ترکیہ بحریہ دے وفد دا دورہ ݙوہیں بھرا ملکاں دی بحریہ وچال تکڑے تے پراݨے تعلقات کوں ظاہر کریندے
