اسلام آباد۔21اپریل(اے پی پی)پاکستان اتے نائیجیریا باہمی فائدے کیتے مختلف شعباں اچ تعاون ودھاوݨ تے زور ݙیندے دفاع و انسداد دہشت گردی دے شعباں اچ ہتھ ونݙاوݨ تے اتفاق کیتے۔ اے اتفاق ایوان صدر اچ نائیجیرین مسلح افواج دے چیف آف ڈیفنس سٹاف جنرل لکی ایلونوئے اونینیوچیا ایرابور اتے صدر مملکت ڈاکٹر عارف علوی ملݨ ویلھے کیتے۔ صدر مملکت بین الاقوامی دفاعی نمائش اتے سیمینار اچ نائجیریا دی مسلح افواج دے نمائنداں دی شرکت دی تعریف کیتی۔ جنرل لکی ایلونئے اونینچیا ایرابور صدر علوی کوں نائیجیریا دے صدر ولوں نیک خواہشات پچائن۔
