اسلام آباد۔5نومبر (اے پی پی):صد ر آزاد جموں و کشمیربیرسٹر سلطان محمود چوہدری آکھیے مظلوم کشمیریاں تے بھارتی ظلم وجبرکوں ست ݙھاکے توں ودھ ویلھا تھی ڳئے لیکن جنت نظیر وادی دا امن تےسکون کھسݨ آلا بھارت کشمیریاں کوں انہاں دا حق خود ارادیت واپس ݙیوݨ کوں تیار کائنی ، 6 نومبر یوم شہداء جموں تحریک آزادی کشمیر دا اہم سنگ میل اے جیں ݙینھ لکھاں کشمیریاں پاکستان دی محبت تے بھارت توں وطن دی آزادی کیتے اپݨی جاناں دا نذرانہ پیش کیتے۔اے ڳالھ انہاں 6نومبر یوم شہدائے جموں دے موقع تے آپݨے خصوصی سنھیے اچ آکھی اے ۔ انہاں آکھیے نومبردے مہینے دا پہلا ہفتہ ریاست دے مسلماناں دی تحریک آزادی دا ھک ایجھا سیاہ باب اے جیں اچ ڈوگرہ حکمراناں لکھاں بے گناہ اتے نہتے مسلماناں دے خون دی ہولی کھیݙ تے ظلم تے درندگی دا ایجھا باب رقم کیتے جیڑھا تاریخ انسانی دے دامن تے کالا دھٻہ اے۔
