اسلام آباد۔6جنوری (اے پی پی) صدر مملکت ڈاکٹر عارف علوی دا واپڈا کوں خصوصی بندے دی ویلفیئر گرانٹ بحال کرݨ دا حکم ݙیندیں ہوئیں آکھیا جو واپڈا ریٹائرڈ ملازم دےمعذور ٻال کوں ویلفیئر گرانٹ بند تھیوݨ دی تاریخ توں فوری ادائیگی کرے۔ ایوان صدر دے میڈیا ونگ توں جاری بیان موجب چھݨ چھݨ کوں جاری اعلامیہ موجب صدر ڈاکٹر عارف علوی آکھیا جو واپڈا اہلکاراں غیرمنصفانہ طور معذور بندے دی ماہانہ گرانٹ بند کیتی اے۔ انہاں حقائق دی روشنی اچ وفاقی محتسب دے حکم کوں مسترد کر ݙتا اتے آکھیا جو واپڈا فوراً فلاحی گرانٹ بند تھیو ݨ دی تاریخ توں گرانٹ بحال کرے اتے واپڈا ملوث اہلکاراں دے خلاف کاروائی کریندیں ہوئیں 30 ݙینھ دے اندر محتسب کوں رپورٹ پیش کرے۔
