اسلام آباد۔5فروری(اے پی پی)وزیر خارجہ مخدوم شاہ محمود قریشی جنوبی ایشیاء اچ پائیدار امن وسلامتی سانڳے تنازعہ جموں وکشمیر دے منصفانہ حل تے زور ݙیندے آکھیے جو بامعنی اتے نتیجہ خیز رابطیاں کیتے سازگار ماحول ݙیوݨ بھارت دی ذمہ داری اے، اقوام متحدہ تنازعہ جموں و کشمیر تے اپݨیاں قرارداداں تے عمل درآمد کراوے۔ یک جہتی کشمیر سانڳے انہاں آکھیا جو میں اقوم متحدہ دی سلامتی کونسل دے صدر اتے اقوام متحدہ دے سیکرٹری جنرل کوں خط لکھیے جو غیرقانونی طور تے بھارت دے زیرتسلط جموں وکشمیر اچ وڳڑدی انسانی صورتحال، خطے دے امن وسلامتی کیتے مستقل خطرات ہین جیندے تؤں بچݨ کیتے فوری اقدامات دی لوڑھ اے، 5 اگست 2019 دے غیرقانونی یک طرفہ بھارتی اقدامات، عالمی قوانین اتے اقوام متحدہ دے منشور سودھا چوتھے جنیوا کنونشن اتے اقوام متحدہ دی سلامتی کونسل دی متعلقہ قرارداداں دی کھلی خلاف ورزی اے۔
