ڈیرہ اسماعیل خان۔7ستمبر(اے پی پی) وزیراعظم محمد شہبازشریف آکھیا جو چھل متاثرین کوں ہرممکنہ وسائل ݙیسوں، امداد شفاف طریقے نال انہاں تئیں پڄیسوں۔ ٹانک اچ سو گھراں تے مشتمل وستی دا ݙو ہفتے بعد افتتاح کریسوں۔ گھر ٻݨاوݨ کیتے نقد رقم ݙیوݨ یا گھر ٻݨا تے ݙیوݨ تے غور کریندے پیوں۔ بارشاں پاروں سیلاب دے نقصانات توں بچݨ کیتے چھوٹے ڈیم ٻݨاوݨے پوسن۔ متاثرین دی امداد شفاف طریقے نال انہاں تئیں پڄیسوں اتے ایں تے کوئی سمجھوتہ کائنا کیتا ویسی۔ وزیراعظم بدھ کوں ڈیرہ اسماعیل خان دے چھل توں متاثرہ سگو پل دا دورہ کیتا۔ وزیراعظم کوں ٹریک دی بحالی اتے ٻئے امدادی کم تے بریفنگ ݙتی ڳئی۔ وزیراعظم کوں ݙسیا ڳیا جع سڑکاں اتے پلاں دی بحالی کیتے این ایچ اے ݙینھ رات کم کیتے۔ ایں موقع تے مولانا فضل الرحمن ، وزیرمواصلات مولانا اسعدمحمود، انجینئر امیر مقام وی موجود ہن۔ سگو پل دے دورہ دے موقع تے ڳالھ مہاڑ کریندیں ہوئیں وزیراعظم آکھیا جو میں ہک واری ولا مصیبت ویلھے صورتحال دے جائزے کیتے تساں ݙے حاضر تھیاں۔ گزریل واری ٹانک اتے ڈیرہ آیم ہن، ایں ویلھے علاقعے اجوکی بارشاں پاروں تباہی توں پہلے ریلے اچ اوکھ توں نکلدے پئے ہن۔ انہاں آکھیا جو مولانا فضل الرحمان ، اسعد محمود اتے امیرمقام سمیت صوبائی قیادت کوں خراج تحسین پیش کریندوں جنہاں آپݨی بساط مطابق کم کیتے۔ افواج پاکستان دا شکریہ ادا کریندوں جنہاں ہر ڄاہ تے چھل متاثرین دی مدد کیتی اے?? انہاں آکھیا جو قمبر شہدادکوٹ اتے سندھ دے ٻئے علاقیاں اچ تاحد نگاہ پاݨی کھڑے، بلوچستان، خیبر پختونخوا اچ تباہی تھئٰ اے?? سوات اچ دریا اندر تعمیرات سنگین غلطی ہئی۔ انہاں آکھیا جو میں ایں توں پہلے پاکستان اچ ایں توں ودھ تباہی نی ݙٹھی۔ گزریل حکومت وسائل دی بربادی کیتی اے?? اساں سیاست کوں ہک پاس?? رکھ تے خدمت کر??ی اے?? وفاق اچ حکومت مخلوط اے?? ایں حکومت پہلے اٹھاری ارب روپے متاثرہ گھراں کیت?? رکھیے ہن۔ 25 ہزار روپے فی ٹبر ݙتے ویندے پئن۔ انہاں اچوں 20 ارب روپے شفاف طریقے نال بی آئی ایس پی نال تقسیم تھی ڳئن۔ سیلاب دی تباہ کاریاں دے ودھݨ نال حقائق دی بنیاد تے تخمینہ ستر ارب تئیں پڄ ڳئے۔ اے مالی ٻوجھ وفاقی حکومت برداشت کریندی پئی اے?? وفاقی حکومت چاریں صوبے، گلگت بلتستان اتے آزاد کشمیر اچ متاثرین کیتے وسائل ݙیندی پئی اے?? صوبے وی آپݨے وسائل ݙیندے پئن۔ ٻئے وسائل دی لوڑھ اے?? انہاں آکھیا جو این ایچ اے ، وزیر اتےسیکرٹری مواصلات متاثرہ شاہراواں دی بحالی کیتے ݙینھ رات کم کریندے پئن۔ وزیراعظم آکھیا جو ٹانک اچ ہک مخیر بندے دے مالی تعاون نال ݙو کمریاں تے مشتمل سو گھراں دا ݙو ہفتے بعد افتتاح کریسوں۔ اگر اے منصوبہ کامیاب تھیا تاں اینکوں سارے متاثرہ علاقیاں اچ ودھیسوں۔
.jpg)
