راولپنڈی۔23جولائی(اے پی پی)وفاقی وزیر دفاع خواجہ محمد آصف نال برازیل دے چیف آف نیول سٹاف ایڈمرل آندرے لوئیز سلوا لیما ڈی سانتانا مینڈس ملین اتے انہاں علاقائی صورتحال، ݙوطرفہ تعاون تے الائے۔ وزیر دفاع برازیل نال ݙوطرفہ تعلقات ٻئے تکڑے کرݨ، باہمی تعاون ودھاوݨ تے زور ݙیندے آکھیے جو خطے اچ امن و استحکام کیتے پاکستان کوششاں جاری رکھسی۔ ݙوہاں رہنماواں دفاعی تعاون ودھاوݨ تے متنوع ٻݨاوݨ تے الائے اتے مفاہمت دی یادداشت نال دفاعی تعاون کوں ادارہ جاتی ٻݨآوݨ تے وی اتفاق کیتے۔
