لاہور۔25اگست(اے پی پی)نائب وزیر اعظم سینیٹر محمد اسحاق ڈار آکھیے جو پاکستان ڄڳ دا کلہا ملک اے ڄیڑھا کلمہ طیبہ دی بنیاد تے ٻݨیے، ڄئیں وی ایں ملک نال غداری کیتی اے او برباد تھئے۔ لاہور اچ حضرت داتا گنج بخش علی ہجویری دے عرس دے ݙوڄھے ݙینھ محفل سماع نال الیندے انہاں آکھیا جو میں کݙاھیں وی عہدیاں دے پچھو نمی ٻھڄیا، کئی حکومتی عہدیاں تے راہندے ملک دی ودھ خدمت کیتی اے، میں ہمیشہ اپݨے ذاتی مفادات تے ملکی مفادات کوں اڳونہا رکھیے، میݙا حضرت داتا گنج بخش نال ہک روحانی تعلق اے، اے اینڄھیاں ہستیاں دا ہی کرم اے جو میکوں اتنی عزت ملدی اے، اے اللہ تعالی دی کرم نوازی ہوندی اے جو او کہیں گناہگار کولو کوئی نیکی دا کم ڳھندے۔ اسحاق ڈار آکھیا جو آپ صلی اللہ علیہ والہ وسلم سرکار فرمیندے ہن میں ڄݙاں برصغیر دے ایں خطے کوں ݙیہداں تاں میکوں اتھو ٹھݙی ہوا آندی اے۔ لوکاں کوں انہاں آکھیا جتھاں تساں اڄ بیٹھے او اتھاں چکر ہوندا ہا، اتھاں پہلے کمرشل مارکیٹ ٻݨݨی ہئی ول اتھاں مسجد ٻݨائی گئی تاں جو جی ٹی روڈ توں مسجد آوݨ سوکھا ہووے۔
