سیالکوٹ۔ 10 نومبر(اے پی پی) وزیر دفاع خواجہ محمد آصف سیالکوٹ اچ عامر وسیم انٹرنیشنل کرکٹ اکیڈمی اینڈ انسٹیٹیوٹ دا باقاعدہ افتتاح کرݙتے ۔ ایں موقع تے بطور مہمان خصوصی خطاب کریندے وزیر دفاع خواجہ محمد آصف آکھیے ھک صحت مند معاشرے دے قیام کوں یقینی بݨاوݨ سانڳے کھیݙاں دے میداناں کوں آباد کرݨ ناگزیر اے۔ انہاں آکھیے جتھاں کھیفاں دے میدان آباد تھیندن اتھاں دے ہسپتال ویران ہوندن لہٰذا میکوں جتھاں وی کھیݙاں دے ودھارے تے بہتری سانڳے سݙیا ویسی میں ماضی وانڳوں ہݨ وی اتھاں ترجیحی بنیاداں تے پڄساں تے کھیݙاں دے ودھارے سانڳے ودھ چڑھ تے آپݨا کردار نبھیساں ۔ انھاں آکھیے میں سانڳے اعزاز دی ڳالھ اے جو میں اڄ اتھاں آپݨے انھاں نینگراں اچ موجود ہاں جیڑھے یقینا ساݙے کل دے سٹار ہوسن ، انہاں اچوں ضرور کوئی بابر اعظم بݨسی تاں کوئی شعیب اختر ہوسی ۔ انہاں آکھیے اساکوں کرکٹ سودھے آپݨے قومی کھیݙ ہاکی دی بحالی سانڳے وی کم کرݨ دی لوڑھ اے کیوں جو صحت مند معاشرے سانڳے کھیݙاں دے میداناں دا آباد تھیوݨ ٻہوں ضروری اے ، سیالکوٹ دے عوام میکوں جتنی عزت بخشی میں سیالکوٹ دے واسیاں دا حق تاں ادا نی کرسڳدا لیکن صوبائی اتے وفاقی حکومت دی طرفوں کھیݙاں دے ودھارے سودھے کھلاڑیاں دی تربیت سانڳے جتنی وی امداد یا سپورٹ مل سڳدی ہوئی ضرور گھن تے ݙیساں تے ہرممکن تعاون کریساں ۔ سیالکوٹ دی تاجر برادری دے قائد ریاض الدین شیخ، رکن صوبائی اسمبلی محمد منشاءاللہ بٹ، سابق میئر چوہدری توحید اختراتے صدر ضلع سیالکوٹ کرکٹ ایسوسی ایشن ملک فیصل خورشید وی اتھاں موجود ہن۔
