اسلام آباد۔4جنوری(اے پی پی)وفاقی وزیر اطلاعات و نشریات مریم اورنگزیب اداکارائیں دی کردار کشی کرݨ آلے عناصر دی شدید مذمت اتے ایف آئی اے توں قانونی کارروائی دا مطالبہ کریندے آکھیے جو بدتمیزی، بدتہذیبی اتے کردار کشی دی غلیظ مہم دی ریت کھنݙاوݨ آلیاں دی معاشرے کوں مذمت کرݨی چاہیدی اے۔ ہک بیان اچ انہاں آکھیے جو
صرف اپݨیاں موائیں، ٻھیݨیں دی عزت دی فکر اتے باقی ڄڳ دیاں تریمتیں دی عزت نہ کرݨ آلے عناصر ذہنی بیمار ہین، اختلاف رائے تے ڳالھیں ݙیوݨ، تریمتیں دی بے عزتی، گھراں تے حملے، گھیرائو اتے ہراساں کرݨ ”گھریلو تربیت“ دی علامات ہوندی اے۔ انہاں آکھیا جو اداکار ملک دا ترکہ اتے پاکستان دی سنڄاݨ ہین، انہاں تے حملے صرف بیمار ذہن ہی کریندن، تریمتیں دی محنت، جدوجہد اتے صلاحیتاں منݨ اتے احترام دی بجائے گند سٹݨ شرمناک اے۔
